Mae’r pecyn yma yn canolbwyntio ar ddatblygu dealltwriaeth dysgwyr o rifau hyd at 1,000 a’u gwerth lle. Mae’r gweithgareddau’n cynnwys darllen, ysgrifennu, cynrychioli a rhannu rhifau hyd at 1,000 yn gannoedd, degau ac unedau, gan ddefnyddio amrywiaeth o fodelau a chynrychioliadau. Mae dysgwyr hefyd yn datblygu eu sgiliau cyfrif drwy gyfrif fesul 4, 8, 50 a 100, adnabod mwy neu lai na rhif penodol, a defnyddio llinellau rhif i gefnogi eu dealltwriaeth o rif. Mae’r gweithgareddau hefyd yn cynnwys cymharu a threfnu rhifau hyd at 1,000, talgrynnu rhifau i’r 10 neu’r 100 agosaf, archwilio rhifau negatif, a defnyddio gwerth lle i ddatrys problemau a rhesymu mathemategol mewn amrywiaeth o gyd-destunau. Mae’r pecyn yn cynnwys cyflwyniad a thaflenni wedi’u gwahaniaethu – AA (Anelu At), D (Disgwyliedig) a DD (Dysgu Dyfnach), gyda chyfleoedd i ddatblygu rhuglder, rhesymu a datrys problemau. Mae tudalennau atebion hefyd wedi’u cynnwys, yn ogystal ag asesiad diwedd uned i wirio dealltwriaeth ac ymchwiliad penagored i herio ac ymestyn dysgwyr....